L’escòla deu Lis qu’ei ua Calandreta
L'escòla de Lo Lis que s'apèra : Calandreta André Minvielle
Au pè de las montanhas, dens lo vilatge petit de Lo Lis, qu’existeish Calandreta, ua escòla gratuita e laïca on los programas de l’Educacion Nacionau son desliurats en immersion lingüistica en occitan dens la soa varianta bearnesa.
Las multiplas variantas d’aquera lenga qu’èran majoritàriament parladas abans lo francés dens tot lo Sud de França. Que s’inscriu dens ua cultura globau tanben rica istoricament que dens la soa practica populara concrèta. Qué ei la lenga deu País !
Qu’a persistit principaument dens lo monde rurau e que’s perenniza uei enter autes gràcias a las escòlas Calandreta, en immersion.
Implantada au còr deu vilatge despuish mei de vint ans, la Calandreta de Lo Lis qu’arcuelh uei ua 20enga d’escolanas de la tota seccion petita au CM2. Los escolans que son despartits dens 2 classas, avent cadua la lor ensenhaira. Ua ajuda-mairau qu’assegura l’animacion de la guarderia deu matin, lo servici repaish de mieidia e l’acompanhament deus escolans tota la jornada d’escòla. Puish ua auta persona pren lo relai entà assegurar la guarderia deu ser. Ua cantinèra qu’ei egaument metuda a disposicion de l’escòla entà la preparacion deus repaishs a basa de produits frescs e lo mei sovent possible locaus e bio.
La Pédagogie Institutionnelle
La pedagogia Calandreta
La Calandreta de Lo Lis que respon de faiçon originau e constructiva a la complexitat deu monde actuau en metent los escolans en situacion d’autonomia e d’enteraida autant dens los aprendissatges fondats sus mesas en situacion d’experiéncia e de recèrca (la « pedagogia activa »), qui dens l’ensemble deus temps de vita vitanta, per l’existéncia de « conselhs », deus lòcs de paraula instituïts entà resòlver collectivament las problematicas qui’s pausan a l’ensemble deu grop o préner decisions tà çò de la vita escolara (la « pedagogia institucionau »).
Los « pedagogias activas » e « institucionaus » que son atrunas de la pedagogia Freinet, era medisha hant partida deu corrent deu « Educacion Navèra » (vaduda a la fin de sègle XIX).
Aquesta que defen la participacion activa deus individús a la lor pròpia formacion .
Partint deus centres d’interès espontanèus de l’escolan, l’ensenhaira que suscita mei largament lo son esperit d’exploracion e de cooperacion. L’aprendissatge de la vita sociau qu’i ei considerat com essenciau.
Los escolans que s’aproprian deus locaus, de las atrunas pedagogicas, deus metòdes de descobèrta, d’aprendissatge, e de las valors qui’us serviràn a cort e a tèrmi long.
Los sabers que son metuts en interaccion los uns dab los autes. La vita vitanta que constitueish medisha faiçon un supòrt entà experimentar las coneishenças.
Las sortidas hòra de l’escòla, dens lo vilatge o aulhors, que son autant de pretèxtes a l’expression de las soas ressentits e a la produccion de comptes-renduts o autes òbras. Qu’ei aquí que nèishen lo jornau d’escòla, la correspondéncia, lo qué de nau, …
L’apròchi comparatiu de las lengas, de las culturas, ne en hèit pas deus elements séparateurs, mes au contra deus mejans de bastir palancas lingüisticas, culturaus, istoricas, sociaus, ricas de la complexitat reau deu monde.
L’enteraida e l’autonomia qui aqueras pedagogias favorizan que constitueishen qualitats preciosas entà la construccion duradissa de capacitats relacionaus, d’un ancoratge culturau e d’ua assegurança de si.
L’avaloracion que’s hè segon la progression de cada escolan . Cadun que s’avalora cap a la soa evolucion neta, seguent de las estàncias respectuosas deus ritmes individuaus dens l’aquisicion deus divèrs sabers, segon ua graduacion de colors.
Aqueth metòde d’avaloracion que mia l’escolan a èste entièrament actor de las soas progressions, entà eth medish, çò que s’avera estar determinant dens la soa motivacion.
Los mainatges que son tirats tà capsús sus tots los plans de la lor personalitat, de faiçon au còp acompanhat e dinamic.
La langue et la culture
La lenga e la cultura
Que parlam l’occitan de Bearn . Que vivem la cultura per la musica, la dança, las arts en generau. Quan parlam de cultura, que parlam de la cultura occitana com palanca cap ad autas culturas .
L’occitan qu’ei lenga ensenhada e ensenhanta. Tot lo dia d’escòla, los Calandrons que son en immersion linguistica.
Los interès de l’immersion lingüistica : seguir un cursus escolar (mairau e primari) dens ua lenga diferenta d’aquera majoritàriament parlada a l’entorn de si qu’ei ric a mantun títol : gimnastica cerebrau, desvolopament de la memòria, de las capacitats d’observacion e de rasoament, desvelh d’ua curiositat generau viva, desvolopament d’aptituds cognitivas facilitant l’accès a la mestresa de las autas lengas, sensibilizacion e obertura a las autas partidas deu monde, a las lors culturas e a las lors istòrias, consciéncia e coneishença apregondida de la personalitat deu lòc on se viu, etc.
La lenga francesa qu’ei introdusida progressivament a partir de la fin deu CP, e l’escolan qu’a aquerit a la fin deu son cursus primari lo medish nivèu qui los sons camaradas d’autas escòlas dens las duas lengas : occitan e francés.
La gimnastica enter las duas lengas ne produseish pas confusion intrinsèca, mes au contrari ua capacitat d’adaptacion mentau hòra deu comun. Que son las Palancas.
Faire école ensemble
Har escòla amassas
Estatut e foncionament de l’escòla : Calandreta qu’ei ua escòla privada devath contracte dab l’Estat, o semipublica.
Publica pr’amor que desliura los programas de l’Educacion Nacionau e que las soas ensenhant-e-s titulars que -son remunerat-e s per l’Estat .
E privada, pr’amor que los parents se son constituïts en associacion entà elaborar divèrsas accions e projèctes entà recoltar los hons necessaris au finançament deu materiau pedagogic, atau com remuneracion de duas ajudas-mairaus, indispensablas entau sostien pendent los aprendissatges mes egaument entà assegurar ua guarderia, immancabla en miei rurau.
Las familhas que son sollicitadas entà efectuar daubuas tascas administrativas o practicas tà çò de la gestion d’aquera associacion e l’organizacion generau de l’escòla. Que s’investeishen atau sus de las « comissions » precisas qui permeten de dividir las tascas entà que lo « tribalh » sia leugèr e drin chronophage entà cadua, e entà garantir l’equitat deu lor investiment dens l’escòla.
Los vedent atau actius entà la lor escòla, donc entà eths, los mainatges que son conscients que los lors parents se preocupen de las condicions de la lor evolucion escolara, çò que vien ajustar còs au sens de la parentalité.
Totas aqueras especificitats que’s retròban dens los 4 pielars deu movement Calandreta :
- la lenga e la cultura occitana,
- la pedagogia
- har escòla amassa
Entà mei d'entresenhas, contactatz-nse
- Per mail : cap.lis@calandreta.org
- Per telefòne au 06 03 71 13 23
- Per via postau a l'adreça seguenta : Calandreta André Minvielle, 16 chemin du bourg 64260 LYS
- Sus la nosta pagina Facebook
