Exposicion

Las quilhas de nau que s’expausan a la maison comuna aqueth mes d’Octobre de 2026.

La municipalitat qu’ei plan urosa d’arcuélher a la maison comuna deu Lis, l’exposicion realizada per Pierre Coudouy a l’entorn de las quilhas de nau, ua tradicion autan cara au còr de las Lysoises e deus Lysois.

Per portrèits e de las istòrias de hemnas e d’òmis ligats ad aqueth jòc tradicionau, Pierre Coudouy que’ns convida a descobrir hòrt mei qu’ua practica : trajèctes, deus soviéners, de las emocions e tota ua istòria qui’s transmet de generacion en generacion.

Ua faiçon beròja de hicar a l’aunor las e los qui an hèit e que hèn enqüèra víver aqueth patrimòni bearnés.
Que’vs convidam a viéner descobrir aquera exposicion aus oraris d’obertura de la comuna : lo dimars vrèspe e lo dijaus tot lo dia.