Dissabte lo 31 d’octobre 2026 – de 14h00 a 20h00
Après lo soreilh, segar los Cèus
Celebrar la vegetacion
Christophe Clotte – La Trena – Marie Labat – Eri Kinsugi
PROGRAMA
14H00 Obertura
16H00 Talhèr serigrafia entà mainat dab lo collectiu d’artistas La Trena
17H30 Proessa d’Eri Kinsugi, co-escriuta dab Marie Labat activacion de l’installacion « Se vestir de prada »
18H30 Que la Trena contes trenatge de lengas e proessas
Qu’ei la fin de l’estiu, l’ivèrn que s’anóncia, los arbos que pèrden las lors huelhas, las pradas que son estadas dalhadas, lo soreilh que s’aluenha e la tèrra que torna en dormance . Qu’ètz convidats a celebrar la vegetacion, lo son cicle, lo son retorn devath la tèrra entà pensar e esperar la reaparicion deus vivents, entà recondusir las seguèras après lo soreilh. Aqueth moment que prepausa ua experiéncia artistica entà ua cultura deu vivent a partir d’experiéncias e d’espiars portats suu territòri neuricèr e los enjòcs environamentaus.
La bòrda Calhau qu’arcuelherà las òbras deus artistas, entà ua exposicion pensada enter los bastiments exteriors e l’interior de l’ostau.
En parallèla, l’associacion La Prada deus possibles e lo son talhèr navèth de recèrca e de creacion a l’entorn de la color vegetau, federat en un collectiu d’artistas locaus de multiplas disciplinas, que presentarà las soas recèrcas e las soas produccions. Lo collectiu qu’animarà deus talhèrs de serigrafia entaus mainats suu tèma de la cuja e deus autes legumes deu casau d’ivèrn, entà ua installacion collectiva e luminosa.
En fin de vrèspe, l’installacion de Marie Labat que serà activada per la coregrafa Eri Kinsuji.
La Trena que presentarà la soa recèrca grafica e performativa, ua sortida de residéncia, un collectiu d’artistas qui pensa los ligams, aus autes, aus vivents o aus lòcs, esfaçar las nostas diferéncias e recercar las relacions essenciaus entà har amassa, los nostes territòris e las nostas vitas.
