Visita de la Comuna dab los escolans de l’escòla Calandreta

Devath la conduita de la lor regenta, Myriam Monthélie, los mainatges de la classa de CE2-CM1 e CM2 de l’escòla Calandreta de Lo Lis que’s son tornats en comuna entà ua visita ciutadana .

Nadège POUEYMIROU BOUCHET, purmèr cònsol de la comuna, que’us a recebuts dens la sala deu conselh deu municipau on s’ei prestada au jòc de las questions-responsas.

Las eleccions municipaus, lo ròtle deu purmèr cònsol, lo cadastre, los registres d’estat civiu, los simbèus de la Republica… vaquí los subjèctes qui an principaument suscitat la curiositat deus escolans joens.

En sensibilizant los mainatges a la vita municipau, l’escòla que participa a la transmission de las valors de la Republica.